टाइम्स मराठी । चंद्रयान 3 च्या यशस्वी प्रक्षेपणानंतर आता भारतीय अंतराळ संशोधन संस्था (ISRO)चे पुढचे मिशन सूर्य यान (Aditya L1 ISRO) आहे. यासाठी ऑगस्ट महिन्यात ISRO सौर वातावरणाचा अभ्यास करण्यासाठी ध्रुवीय उपग्रह प्रक्षेपण यान (पीएसएलवी)/रॉकेटवर आपला कोरोनाग्राफी उपग्रह आदित्य L1 पाठवणार आहे . त्यामुळे यंदाचे वर्ष भारतीय अंतराळ संशोधन संस्थेसाठी नवनवीन मिशन साठीचे वर्ष म्हणता येईल.
चांद्रयान-3 अंतराळयानाद्वारे चंद्राच्या पृष्ठभागावर लँडर उतरले कि त्यानंतर काही दिवसांनी आदित्य एल1 (Aditya L1 ISRO) मोहिमेला सुरुवात होण्याची शक्यता आहे. इस्रोच्या म्हणण्यानुसार, हे यान पृथ्वीपासून सुमारे 1.5 दशलक्ष किमी अंतरावर असलेल्या सूर्य-पृथ्वी प्रणालीच्या Lagrange पॉइंट 1 (L1) भोवती प्रभामंडल कक्षेत ठेवले जाईल. L1 बिंदूच्या आसपास, उपग्रह कोणत्याही अडथळ्याशिवाय सूर्याला सतत पाहू शकेल. चांद्रयान-3 लँडर 23 ऑगस्ट रोजी संध्याकाळी 5.47 वाजता चंद्रावर उतरण्याची अपेक्षा आहे. त्यानंतर २६ ऑगस्ट ला आदित्य L1 चे नियोजन आहे.
पीएसएलव्ही रॉकेटच्या सहाय्याने आदित्य-एल1 हे (Aditya L1 ISRO) प्रक्षेपित केले जाईल. चांद्रयान मोहिमांप्रमाणेच, अंतराळयान पृथ्वीच्या कमी कक्षेत ठेवले जाईल आणि त्यानंतर, कक्षा अधिक लंबवर्तुळाकार बनविली जाईल आणि ऑन-बोर्ड प्रणोदन वापरून L1 च्या दिशेने प्रक्षेपित केली जाईल. अंतराळयान L1 च्या दिशेने प्रवास करत असताना, ते पृथ्वीच्या गुरुत्वाकर्षणाच्या प्रभावाच्या क्षेत्रातून बाहेर पडेल.
आदित्य L1 काय करणार– (Aditya L1 ISRO)
युरोपियन स्पेस एजन्सी (ESA) ने म्हटले आहे की ते इस्रोच्या पुढील इंटरप्लॅनेटरी मिशन – सौर मिशन आदित्य एल1 साठी ट्रॅकिंग समर्थन देणार आहेत. आदित्य-L1 हे नाव हिंदू सूर्य देव आणि अंतराळ यानाचे भावी घर यांच्या नावावर ठेवण्यात आले आहे. तर L1 हा पृथ्वी -सूर्य प्रणालीचा पहिला Lagrange बिंदू आहे. हे यान कोरोनल मास इजेक्शनची गतिशीलता आणि उत्पत्ती यांसारख्या अनेक गुणधर्मांचा अभ्यास करेल.