टाइम्स मराठी । Aliens बाबत आपल्या सर्वांच्याच मनात एक कुतूहल आहे. एलिअन्स खरंच या ब्रह्माण्डात आहेत का? पृथ्वीवर ते येत असतात का? जर खरच त्यांचं अस्तित्व असेल तर मानवाला त्यांच्यापासून काही धोका आहे का? असे वेगवेगळे प्रश्न आपल्या मनात येत असतात. अनेक शास्त्रज्ञानी एलिअन्स बाबत वेगवेगळं मत व्यक्त केलं आहे. काहींनी एलिअन्सचे अस्तित्व स्वीकारलं आहे तर काही जणांनी नाकारलेल आहे. मात्र आता हार्वर्ड विद्यापीठाने एलिअन्स बाबत सर्वात मोठा दावा केला आहे. आपल्या पृथ्वीवर आधीपासूनच Aliens च अस्तित्व आहे (Aliens On Earth) असा अहवाल विद्यापीठाने सादर केला आहे.
एलियनचे अस्तित्व सिद्ध करणारे पुरावे – Aliens On Earth
एलियन्स या पृथ्वीवर मानवांमध्ये छुप्या पद्धतीने वास्तव्य करत आहेत. हार्वर्ड युनिव्हर्सिटीच्या ह्युमन फ्लोरिशिंग प्रोग्राममधील संशोधकांच्या एका नवीन पेपरमध्ये असे सुचवले आहे की यूएफओ आणि एलियन चंद्रावर किंवा पृथ्वीवरील मानवांमध्ये देखील (Aliens On Earth) असू शकतात. पृथ्वीवरील एलियनचे अस्तित्व सिद्ध करणारे पुरावे आणि सिद्धांत लेखकाला माहिती झाले आहेत असेही या पेपरमध्ये म्हंटल आहे.
हार्वर्डच्या शास्त्रज्ञांच्या मते, या गूढ आतील प्रदेशांमध्ये अज्ञात एलियन्स असू शकतात ज्या अजूनही आपल्याला अज्ञात आहेत. हे उदाहरण देताना ते म्हणाले की, पृथ्वीवरील 80 टक्के महासागरांचे नकाशे अद्याप आम्हाला मिळालेले नाहीत. पृथ्वीवर या कथित एलियनसाठी भरपूर राहण्याची जागा आहे. शास्त्रज्ञांनी सांगितले की ते दुस-या जगातून आलेले आहेत असे नाही, तर सुरुवातीपासून ते आपल्यामध्ये राहत आहेत.
पृथ्वीखाली खोल समुद्रात एलियनचा तळ असू शकतो असं संशोधकांना वाटत. यासाठी त्यांनी जपानमधील योनागुनी जीमाच्या किनाऱ्यावर सापडलेल्या एका भल्यामोठ्या बुडलेल्या दगडाच्या संरचनेचा उल्लेख केला, जे सागरी भूवैज्ञानिकांचे म्हणणे आहे की ते जपानच्या अटलांटिसमधील 5,000 वर्ष जुन्या पिरॅमिडचे अवशेष असू शकतात. शास्त्रज्ञांनी सांगितले की पृथ्वीच्या खाली बरेच गूढ आहे आणि हे पूर्णपणे शक्य आहे की शेकडो मैल खाली दुसरी प्रजाती असू शकते जी आपल्यासारखीच असू शकते.