टाइम्स मराठी । वैदिक शास्त्रानुसार राशींचे (Zodiac Signs) एकूण बारा प्रकार असतात. या शास्त्रानुसार कोणताही ग्रहांच्या राशींच्या बदलाचा प्रभाव हा सर्व राशींच्या व्यक्तींवर पडत असतो. हा प्रभाव कधी शुभ तर कधी अशुभ दोन्ही प्रकारे दिसून येतो. बऱ्याचदा एखाद्या ग्रहाचा प्रभाव राशींवर पडण्यास त्या राशीतील व्यक्ती मालामाल होतात. आणि बराच राशीतील व्यक्तींना याचा त्रास देखील सहन करावा लागतो. त्यानुसार आता 17 सप्टेंबरला ग्रहांचा राजा सूर्य हा कन्या राशि मध्ये (Virgo) प्रवेश करणार आहे. यावेळी बऱ्याच राशींतील व्यक्तींना त्रास सहन करावा लागू शकतो.यासोबतच बऱ्याच राशीतील व्यक्तींच्या अडचणीमध्ये प्रचंड वाढ होऊ शकते. त्यांना बऱ्याच आव्हानांना सामोरे जावे लागू शकते. चला तर जाणून घेऊयात नेमक्या या कोणत्या राशी आहेत.
१) तूळ (Libra)
बारा राशींपैकी तुळ राशी असलेल्या व्यक्तींना पैशांसंबंधी समस्या सतवू शकते. यासोबतच या काळामध्ये धनहानी देखील होऊ शकते. यामुळे तूळ राशींच्या व्यक्तींनी या काळात गुंतवणूक करणे शक्यतो टाळले पाहिजे. सूर्य हा ग्रह कन्या राशि मध्ये प्रवेश करणार असल्यामुळे तुळ राशीतील व्यक्तींना कामात मोठे नुकसान होऊ शकते. एवढेच नाही तर नोकरी देखील गमवावी लागू शकते. या राशीतील व्यक्तींना ताण तणावाचा सामना करावा लागेल.
२) कुंभ (Aquarius)
कुंभ राशींच्या व्यक्तींवर अशुभ परिणाम दिसणार आहे. या काळामध्ये कुंभ राशींच्या व्यक्तींना कोणताही निर्णय जपून घ्यावा लागेल. कारण त्यामुळे नुकसान होण्याची प्रचंड शक्यता आहे. या काळामध्ये कुंभ राशींच्या व्यक्तींचे भावंडांसोबत मतभेद होतील. आणि याचा परिणाम आरोग्यावर देखील होऊ शकतो. त्यामुळे कुंभ राशीतील व्यक्तींनी काही काळ शांतता आणि संयम ठेवणे गरजेचे आहे.
३) मीन (Pisces)
मीन राशींच्या व्यक्तीवर आर्थिक संकट ओढवू शकते. यासोबतच कौटुंबिक जीवनावर विपरीत परिणाम होण्याची देखील शक्यता आहे. मीन राशींच्या व्यक्तींना अहंकारिक लोक त्रास देऊ शकतात. यावेळी गंभीर मानसिक तणावाखाली मीन राशीचे लोक असतील. त्यामुळे मीन राशींच्या व्यक्तींनी आरोग्य सांभाळणे गरजेचे आहे.