Chanakya Niti For Success : विष्णुपंत शिरोमणी म्हणजेच आचार्य चाणक्य हे महान राजनीति तज्ञ होते. त्यांनी आयुष्यात यशस्वी होण्यासाठी बऱ्याच मुद्द्यांवर भाष्य केले आहे. आचार्य चाणक्य यांनी बऱ्याच विषयांवर लिखाण केले आहे. त्यापैकी अर्थशास्त्र आणि नीतिशास्त्र हे संग्रह प्रसिद्ध आहेत. आचार्य चाणक्य यांचे नीतीशास्त्र हा संग्रह लहानांपासून जेष्ठांपर्यंत प्रत्येक व्यक्तींना आयुष्यात येणाऱ्या प्रत्येक पाऊलावर मार्गदर्शन करत असतो. आचार्य चाणक्य यांच्या चाणक्य नीति नुसार प्रत्येक व्यक्तीने जीवनात येणाऱ्या कोणत्याही अडचणींचा सामना न घाबरता केला पाहिजे. जेणेकरून यश प्राप्त होईल. तुम्ही देखील तुमच्या जीवनात यशस्वी होऊ इच्छित असाल तर आचार्य चाणक्य यांनी सांगितलेल्या काही नीतींचे पालन करणे गरजेचे आहे.
१) आत्मसन्मान गरजेचा
आचार्य चाणक्य सांगतात की, ज्या ठिकाणी एखाद्या व्यक्तीला इज्जत दिली जात नाही त्या ठिकाणी कोणत्याच व्यक्तीने थांबू नये. प्रत्येक व्यक्तीला आत्मसन्मान हा महत्त्वाचा असतो. एखादा व्यक्ती जर तुम्हाला इज्जत देत नसेल तर त्या ठिकाणी थांबून तुम्ही स्वतः तुमची इज्जत कमी करत आहात. त्यामुळे अशा ठिकाणी कधीच थांबू नका. जर तुम्ही तुमच्या आत्मसन्मानाला प्राथमिकता देत असाल तर तुम्ही आयुष्यात यशस्वी व्यक्ती बनू शकतात.
२) नशिबावर अवलंबून राहू नये
जो व्यक्ती जीवनात यशस्वी होण्यासाठी (Chanakya Niti For Success) मेहनत करतो, नशिबावर अवलंबून राहत नाही तो व्यक्ती जीवनात यशस्वी झाल्याशिवाय राहत नाही. आचार्य चाणक्य नुसार, जो व्यक्ती नशिबावर अवलंबून राहून मेहनत आणि परिश्रम घेत नाही तो व्यक्ती आयुष्यात काहीच करू शकत नाही. त्यामुळे प्रत्येक व्यक्तीने कोणत्याही कठीण परिस्थितीमध्ये देखील आपले लक्ष्य साध्य करण्याकडे लक्ष दिले पाहिजे. कधीच आपल्या नशिबावर अवलंबून राहू नका.
३) इतरांच्या चुकांमधून शिकणे गरजेचे- Chanakya Niti For Success
प्रत्येक व्यक्तींकडून चूक होत असते. या चुकांमधून शिकणे अत्यंत गरजेचे आहे. यानुसार आचार्य चाणक्य सांगतात की, इतर व्यक्तींनी केलेल्या चूकांमधून आपण स्वतः काही शिकले पाहिजे. जेणेकरून त्या व्यक्तीने केलेल्या चुका आपल्याकडून होणार नाही. स्वतःच्या चुकांपेक्षा इतरांकडून झालेल्या चुकांमधून आपण मोठ्या प्रमाणात शिकत असतो. जो व्यक्ती दुसऱ्यांच्या चुकांमधून शिकत नाही तो व्यक्ती आयुष्यात यशस्वी होण्यासाठी जास्त संघर्ष करतो. त्यामुळे इतरांच्या चुकांमधून आपण स्वतः शिकणे गरजेचे आहे.
४) अपयशी झाल्यास प्रयत्न करणे सोडू नये
प्रत्येक व्यक्तीच्या जीवनात यश अपयश येत असते. परंतु अपयश आल्यावर खचून न जाता पुन्हा नव्याने उभे राहून यशाचे शिखर गाठणे गरजेचे आहे. परंतु बरेच व्यक्ती एकदा अपयश आल्यास दुसऱ्यांदा यशस्वी होण्यासाठी प्रयत्न करत नाही. परंतु हे अत्यंत चुकीचं आहे. आचार्य चाणक्य सांगतात की, जी घटना घडली त्यावर रडगाणे गाण्यापेक्षा पुन्हा नव्याने सुरुवात करायला हवी. जेणेकरून यश प्राप्त होईल.