टाईम्स मराठी । आचार्य चाणक्य हे एक प्राचीन भारतीय राजनीती शास्त्रज्ञ आहे. त्यांचे संपूर्ण नाव विष्णूगुप्त शिरोमणी असे आहे. आचार्य चाणक्यांनी प्राचीन भारतीय साम्राज्याचे संचालन केले असून ते मौर्य समाजाच्या महान सम्राट चंद्रगुप्त मौर्याचे प्रधानमंत्री होते. त्यांनी केलेले लेखन, ज्ञान व्यापार आणि मार्गदर्शन साहित्य प्रचंड प्रसिद्ध आहे. त्यापैकी अर्थशास्त्र, नीतिशास्त्र, चाणक्य नीति, कौटिल्य अर्थशास्त्र आणि कौटिल्य सूत्रे हे लेखन मोठ्या प्रमाणात प्रसिद्ध आहेत. आचार्य चाणक्य यांनी त्यांच्या जीवनात अनेक अडचणींचा सामना केला. आपल्या सर्वांना त्यांनी लेखन केलेल्या चाणक्य नीति अनुभवांचा संग्रह माहिती आहे. या संग्रहामुळे माणसांना त्यांच्या जीवनात खचून न जाता पुढे कसं जावं यासाठी प्रेरणा मिळते.आज आपण आचार्य चाणक्य यांनी सांगितलेली यशस्वी धोरणे पाहणार आहोत. जेणेकरून आपण येणाऱ्या संकटांना मात करून आयुष्यात यशस्वीपणे पुढे जाऊ शकतो.
आचार्य चाणक्य यांच्या म्हणण्यानुसार जर तुम्हाला तुमच्या आयुष्यात यशस्वी व्हायचं असेल तर साधेपणा सोडून द्या. कारण लोक साध्या आणि भोळ्या माणसांची दिशाभूल करतात. जेणेकरून तुम्हाला तुमच्या मार्गावर चालताना बऱ्याच अडचणी येतील. त्यामुळे तुमच्या आयुष्यात यशस्वी होण्यासाठी तुम्हाला साधेपणा सोडून तडफदार बनावे लागेल.
आचार्य चाणक्य नीतिच्या दुसऱ्या नियमानुसार तुम्हाला तुमचा क्रोध कमी करावा लागेल. माणसाचा सर्वात मोठा शत्रू हा क्रोध असतो. तुम्ही रागाच्या भरात घेतलेले निर्णय तुमचे नुकसान करू शकतात. त्यामुळे तुमच्या आयुष्यात यशस्वी होण्यासाठी तुम्हाला येणारा राग सोडावा लागेल.
आचार्य चाणक्य नीतीच्या तिसऱ्या नियमानुसार आयुष्यात यशस्वी होण्यासाठी अनुशासनाचे पालन करा. कोणत्याही क्षेत्रात असलेल्या व्यक्तीला शिस्त पाळणे गरजेचे आहे. नियमांचे पालन न करणारा व्यक्ती स्वतः साठी आणि इतरांसाठी संकट निर्माण करू शकतो. जो व्यक्ती अनुशासनाचं पालन करत नाही तो अनुशासनहीन असतो. त्यामुळे तो नेहमी दुःखी राहतो.
आयुष्यात यशस्वी व्हायचं असल्यास रोजच्या जीवनात घडणाऱ्या घटना आणि तुमची कमजोरी कधीही कोणाला सांगू नका. तुमची कमजोरी इतरांना माहिती पडल्यावर तुम्हाला अडचणीत टाकून लोक त्याचा फायदा घेऊ शकतात .
आचार्य चाणक्य नीतिच्या पाचव्या नियमाप्रमाणे माणसाने एखादी गोष्ट करण्यापूर्वी त्याचे परिणाम काय होतील याचा विचार करायला नाही पाहिजे. म्हणजेच भविष्याची चिंता न करता तुम्ही एखादे काम करत असाल तर त्यातून मिळणाऱ्या फायद्याचा विचार न करता प्रामाणिकपणे काम करत राहिले पाहिजे.
चाणक्यनीती नुसार, नेहमी अशा लोकांसोबत रहा जे तुम्हाला प्रेरणा देतात किंवा तुमच्यामध्ये उत्साह निर्माण करतात. ज्या लोकांनी आपली ध्येयधोरणे निश्चित केलेली असतात अशा लोकांच्या सानिध्यात रहा.