Rashi Bhavishya In Marathi : सूर्यदेव हे प्रत्येक महिन्याला राशी परिवर्तन करत असतात. यासोबतच सूर्य वर्षाला आपले राशीचक्र पूर्ण करतो. आता 17 नोव्हेंबर म्हणजेच आज सूर्यदेव गोचर होऊन वृश्चिक राशीमध्ये प्रवेश करणार आहे. सूर्याचे हे राशी परिवर्तन अत्यंत खास असणार आहे. याशिवाय सूर्य आणि मंगळ या दोन्हींची युती आज होऊ शकते. ज्योतिष शास्त्रानुसार प्रत्येक ग्रहांचा प्रभाव आणि राशी परिवर्तनाचा प्रभाव हा 12 राशींवर पडत असतो. त्यापैकी काही राशींवर चांगला प्रभाव दिसून येतो तर काही राशींवर अशुभ प्रभाव पडतो. सूर्यदेव वृश्चिक राशी मध्ये प्रवेश करणार असून मंगळ देखील वृश्चिक राशी मध्येच आहे. त्यामुळे मंगळ आणि सूर्य यांची युती होऊ शकते. सूर्य आणि मंगळाच्या या युतीमुळे महापुरुष राजयोग तयार होत आहे. हा राजयोग तीन राशींच्या व्यक्तींसाठी अत्यंत शुभ ठरणार आहे.
१) कर्क-
कर्क राशींच्या व्यक्तींसाठी सूर्याचे गोचर अत्यंत शुभ ठरणार आहे. यासोबतच मंगळ आणि सूर्य यांची होणारी युती कर्क राशीतील व्यक्तींना फायदा मिळवून देऊ शकते. कर्क राशींच्या व्यक्तींना नवीन नोकरीच्या संधी या काळात मिळू शकतात. कामामध्ये यश देखील मिळेल. कर्क राशींच्या व्यक्तींचे वैवाहिक जीवन चांगले राहील. एखाद्या ठिकाणी अडकलेले पैसे परत मिळू शकतात. यासोबतच उत्पन्न देखील वाढेल. कर्क राशींच्या व्यक्तींवर दिवाळीनंतर सुद्धा लक्ष्मी देवीची कृपा (Rashi Bhavishya In Marathi) राहू शकते.
२) कन्या- Rashi Bhavishya In Marathi
सूर्यदेव वृश्चिक राशी मध्ये प्रवेश करणार असल्यामुळे मंगळ आणि सूर्य देवाची होणारी युती कन्या राशींच्या व्यक्तींना शुभ ठरू शकते. कन्या राशीच्या व्यक्तींना कामाच्या ठिकाणी प्रमोशन मिळू शकते. नोकरी आणि व्यवसायामध्ये चांगली संधी मिळेल. या काळामध्ये आर्थिक लाभ होण्याची देखील शक्यता आहे. कन्या राशीच्या व्यक्तींचे आरोग्य चांगले राहील. करिअरच्या दृष्टीने हा काळ अत्यंत चांगला ठरू शकतो. कन्या राशींच्या व्यक्तींना आत्मविश्वास पुढे जाण्यासाठी मदत करेल.
३) मीन-
मीन राशींच्या व्यक्तींना सूर्याचे राशी परिवर्तन शुभ आणि आर्थिक लाभ देईल. या राशींच्या व्यक्तींच्या उत्पन्नामध्ये वाढ होऊ शकते. याशिवाय उत्पन्नाचे नवीन स्रोत देखील निर्माण होऊ शकतात. मीन राशींच्या व्यक्तींच्या जुन्या समस्यांपासून आराम मिळण्याची शक्यता आहे. यासोबतच व्यवसाय करणाऱ्यांसाठी राशी परिवर्तन शुभ ठरेल.